ضلع کرم کے متاثرین کیلئے دس کروڑ کی رقم ریلیز کردی گئی

 

فاٹا ڈیزاسٹر میجمینٹ اتھارٹی ( ایف ڈی ایم اے) نے کرم ایجنسی کے واپس شدہ متاثرین کیلئے دس کروڑ سے زائد کی رقم ریلیز کردی جو فی خاندان پچیس ہزار روپے بطور نقد مالی امداد کے اے ٹی ایم کے ذریعہ چار ہزار خاندان وصول کریں گے۔

ایف ڈی ایم اے کے ترجمان کی طرف سے جاری ایک بیان میں کہا گیا ہے کہ مبلغ دس کروڑ روپے کا چیک ایک نجی موبائل کمپنی کو حوالےکیا گیا ہے جو فی خاندان پچیس ہزار روپے ضلع کرم کے ان چار ہزار خاندانوں کو دیئے جائینگے جن کی واپسی مارچ 2015 میں ہوئی ہے۔

ڈائکریکٹر جنرل ایف ڈٰ ی ایم اے سہیل خان نے اس موقع پر بتایا کہ قبائلی علاقوں کے جتنے بھی متاثرین واپس جاچکے ہیں یا ابھی تک بے گھر ہیں ان کو سہولیات کی فراہمی اور مالی امداد ہماری اولین ترجیح ہے اور ایف ڈی ایم اے دن رات ان بے گھر قبائلیوں کی مدد کیلئے کوشاں ہیں۔

انہوں نے مزید کہا کہ افغانستان میں موجود متاثرین کو لانے کیلئے بھی تمام تر تیاریاں مکمل کی جا چکی ہیں اور مجوزہ پلان کے مطابق وہاں مقیم تمام متاثرین کو جلد واپس لایا جا ئے گا۔